Оперативниот лизинг е краткорочен договор за закуп каде што периодот на договор е пократок од економскиот век на траење на Предметот на лизинг. Целта на овој лизинг е користење на предметот на лизинг за некоја привремена употреба и од таа причина е на краток рок. Кај овој тип на лизинг, Предметот на лизинг е префрлен за одреден период на користење на корисникот, но на крајот на договорот се враќа на неговиот сопственик

Карактеристики

• Возилото земено под закуп не се регистрира во билансите на фирмата односно возилото не се прикажува како имот во сметководствените книги на закупецот
• Овој начин на финансирање обезбедува јасен преглед и контрола на трошоците за секое возило (закупнината може да ги содржи трошоците за осигурување, сервисирање, замена на гуми)
• При склучување на договор за закуп задолжително е каско осигурување.
• Корисникот на возилото се третира како закупец на возилото.
• Во билансот на состојба, закупот не се евидентира како средство и обврска. Во билансот на успехот целокупната закупнина се евидентира како материјален трошок. На овој начин свесно се влијае на намалување на добивката од работењето што повлекува намалени обврски по основ на даноци.
• По истекот на договорот за закуп возилото не преминува во сопственост на закупецот.
• Согласно потребите на закупецот се договара километражата која што е ограничена . По истекот на закупот Закупецот плаќа за секој дополнително направен километар од договореното.

Предности

• Транспарентност на трошоци
• Возилата не се книжат во основни средства
• Закупот се книжи како трошок
• Се намалува данок на добивка
• Помалку ангажирани средства-поголема ликвидност
• Можност за користење повеќе возила